తిరుపతి జిల్లా ప్రధాన కార్యదర్శిగా కాంజేరి సెల్వరాజు

రేణిగుంట, సెప్టెంబర్ 30 (రాజనీతి): తిరుపతిలో జరిగిన ప్రైవేటు విద్యాసంస్థల డ్రైవర్ల యూనియన్‌ సమావేశంలో సీఐటీయూ అనుబంధ తిరుపతి జిల్లా ప్రధాన కార్యదర్శిగా రేణిగుంటకు చెందిన కాంజేరి సెల్వరాజును ఏకగ్రీవంగా ఎన్నుకున్నారు. జిల్లా అధ్యక్షుడిగా ఉమాపతి ఎన్నికయ్యారు. డ్రైవర్లు, అటెండర్లకు ఈఎస్‌ఐ, పీఎఫ్‌, కనీస వేతనం రూ.26 వేలు, పని భద్రత, గ్రూప్‌ ఇన్సూరెన్స్‌, సంక్షేమ బోర్డు ఏర్పాటు చేయాలని సెల్వరాజు డిమాండ్‌ చేశారు. డ్రైవర్ల పిల్లలకు విద్యాసంస్థల్లో రాయితీలు కల్పించాలని, సమస్యల పరిష్కారానికి అహర్నిశలు కృషి చేస్తానని తెలిపారు.