కలకడలో టీబీ ముక్త్ భారత్‌ శిబిరాలు విజయవంతం

కలకడ మండలంలో టీబీ ముక్త్ భారత్‌–2.0లో భాగంగా వారం రోజుల పాటు నిర్వహించిన ఉచిత ఛాతీ ఎక్స్‌రే శిబిరాలు ముగిశాయి. ఎర్రకోటపల్లి పీహెచ్‌సీ పరిధిలో 832 మందికి పరీక్షలు నిర్వహించగా, 127 మందిలో ఛాతీకి సంబంధించిన అసాధారణ లక్షణాలు గుర్తించారు. వారిని తదుపరి నిర్ధారణ పరీక్షలకు రిఫర్ చేసినట్లు అధికారులు తెలిపారు. టీబీ లక్షణాలను నిర్లక్ష్యం చేయకుండా సమీప ఆరోగ్య కేంద్రాల్లో పరీక్షలు చేయించుకోవాలని సూచించారు.