స్వర్ణ గ్రామ, వార్డు ఉద్యోగులకు ప్రభుత్వం గుడ్‌న్యూస్‌.. సమస్యల పరిష్కారానికి కీలక నిర్ణయాలు
రాజనీతి | ఆంధ్రప్రదేశ్‌ | సెప్టెంబర్‌ 28, 2026
స్వర్ణ గ్రామ, స్వర్ణ వార్డు సచివాలయ ఉద్యోగుల దీర్ఘకాలిక సమస్యలపై ఆంధ్రప్రదేశ్‌ ప్రభుత్వం కీలక చర్యలు చేపట్టింది. ఉద్యోగుల పదోన్నతులు, సెలవులు, ఆటోమేటిక్‌ అడ్వాన్స్‌మెంట్‌ స్కీమ్‌, నోషనల్‌ ఇంక్రిమెంట్లు, కారుణ్య నియామకాలు వంటి అంశాలపై ప్రభుత్వం తీసుకున్న నిర్ణయాలను మంత్రి డోలా శ్రీ బాలవీరాంజనేయస్వామి వెల్లడించారు.
నాలుగు కేటగిరీలకు ప్రమోషన్లు
ప్రమోషన్లకు మార్గం.. సెలవుల వెసులుబాటు.. నోషనల్‌ ఇంక్రిమెంట్లపై పరిశీలన
స్వర్ణ వార్డు సచివాలయాల్లో పనిచేస్తున్న నాలుగు కేటగిరీల ఉద్యోగులకు పదోన్నతుల మార్గం తెరుచుకుంది. వార్డు అడ్మినిస్ట్రేటివ్‌ సెక్రటరీలు, డేటా ప్రాసెసింగ్‌ సెక్రటరీలు, శానిటేషన్‌ అండ్‌ ఎన్విరాన్‌మెంట్‌ సెక్రటరీలు, ప్లానింగ్‌ అండ్‌ రెగ్యులేషన్‌ సెక్రటరీలకు ప్రమోషన్‌ చానళ్లను ఏర్పాటు చేశారు.
815 జూనియర్‌ అసిస్టెంట్‌ పోస్టులు
ప్రమోషన్లకు అవసరమైన పోస్టుల కోసం 915 మిగులు, ఖాళీ పోస్టులను రేషనలైజ్‌ చేసి 815 జూనియర్‌ అసిస్టెంట్‌ పోస్టులను ప్రభుత్వం మంజూరు చేసింది. వీటి ద్వారా అర్హత ఉన్న వార్డు అడ్మినిస్ట్రేటివ్‌ సెక్రటరీలకు ప్రమోషన్లు కల్పించడంతో పాటు, ఆ తర్వాత ఏర్పడే ఖాళీలను ఇతర కేడర్ల పదోన్నతులకు ఉపయోగించనున్నారు.
3,260 మందికి ప్రయోజనం
ప్రస్తుతానికి నాలుగు కేటగిరీల్లో పదోన్నతుల ద్వారా సుమారు 3,260 మంది ఉద్యోగులకు ప్రయోజనం కలగనుందని మంత్రి పొంగూరు నారాయణ వెల్లడించారు. మరో రెండు కేటగిరీలకు సంబంధించిన ప్రమోషన్లపై అధికారుల కమిటీ నివేదిక వచ్చిన తర్వాత నిర్ణయం తీసుకోనున్నట్లు తెలిపారు.
నోషనల్‌ ఇంక్రిమెంట్లపై నిర్ణయం పెండింగ్‌
ఉద్యోగులు చాలాకాలంగా కోరుతున్న నోషనల్‌ ఇంక్రిమెంట్ల అంశాన్ని ప్రభుత్వం పరిశీలిస్తోంది. దీనిపై ఆర్థిక శాఖ నివేదిక వచ్చిన తర్వాత తదుపరి నిర్ణయం తీసుకోనున్నట్లు మంత్రి తెలిపారు. అర్హత ఉన్న ఉద్యోగులకు ఆటోమేటిక్‌ అడ్వాన్స్‌మెంట్‌ స్కీమ్‌ను అమలు చేస్తున్నట్లు కూడా ప్రభుత్వం వెల్లడించింది.
సెలవుల సమస్యకు పరిష్కారం
ఉద్యోగుల సెలవుల విషయంలోనూ మార్పులు తీసుకొచ్చారు. దరఖాస్తు చేసిన తర్వాత పైఅధికారి నుంచి అనుమతి ఆలస్యమైన సందర్భంలో కూడా నిబంధనల మేరకు రెండు రోజుల క్యాజువల్‌ లీవ్‌ పొందే అవకాశం కల్పించినట్లు మంత్రి తెలిపారు.
అర్హులైన ఉద్యోగులకు కారుణ్య నియామకాలు కూడా కల్పించినట్లు ప్రభుత్వం తెలిపింది. మాతృశాఖల్లో ప్రమోషన్‌ చానళ్ల ఏర్పాటు సహా పలు అంశాలపై చర్యలు కొనసాగుతున్నాయని వెల్లడించింది.
ఉద్యోగుల ఆందోళనల తర్వాత చర్యలు
స్వర్ణ గ్రామ, స్వర్ణ వార్డు ఉద్యోగుల సంఘాలు తమ సమస్యల పరిష్కారం కోరుతూ ఇటీవల ఆందోళనలకు పిలుపునిచ్చాయి. పనిభారం, ప్రమోషన్లు, ఇంక్రిమెంట్లు, సెలవులు తదితర అంశాలపై ఉద్యోగులు అభ్యంతరాలు వ్యక్తం చేశారు. ఈ నేపథ్యంలో ప్రభుత్వం తాజాగా పలు అంశాలపై నిర్ణయాలను ప్రకటించింది.
ప్రమోషన్లకు మార్గం.. సెలవులపై వెసులుబాటు.. ఇంక్రిమెంట్లపై పరిశీలన.. స్వర్ణ గ్రామ, వార్డు ఉద్యోగుల సర్వీస్‌ సమస్యలకు ఒక్కొక్కటిగా పరిష్కారం చూపే దిశగా ప్రభుత్వం చర్యలు చేపడుతోంది.
స్వర్ణ గ్రామ, స్వర్ణ వార్డు సచివాలయ ఉద్యోగుల దీర్ఘకాలిక సమస్యలపై ఆంధ్రప్రదేశ్‌ ప్రభుత్వం కీలక చర్యలు చేపట్టింది. ఉద్యోగుల పదోన్నతులు, సెలవులు, ఆటోమేటిక్‌ అడ్వాన్స్‌మెంట్‌ స్కీమ్‌, నోషనల్‌ ఇంక్రిమెంట్లు, కారుణ్య నియామకాలు వంటి అంశాలపై ప్రభుత్వం తీసుకున్న నిర్ణయాలను మంత్రి డోలా శ్రీ బాలవీరాంజనేయస్వామి వెల్లడించారు.
నాలుగు కేటగిరీలకు ప్రమోషన్లు
ప్రమోషన్లకు మార్గం.. సెలవుల వెసులుబాటు.. నోషనల్‌ ఇంక్రిమెంట్లపై పరిశీలన
స్వర్ణ వార్డు సచివాలయాల్లో పనిచేస్తున్న నాలుగు కేటగిరీల ఉద్యోగులకు పదోన్నతుల మార్గం తెరుచుకుంది. వార్డు అడ్మినిస్ట్రేటివ్‌ సెక్రటరీలు, డేటా ప్రాసెసింగ్‌ సెక్రటరీలు, శానిటేషన్‌ అండ్‌ ఎన్విరాన్‌మెంట్‌ సెక్రటరీలు, ప్లానింగ్‌ అండ్‌ రెగ్యులేషన్‌ సెక్రటరీలకు ప్రమోషన్‌ చానళ్లను ఏర్పాటు చేశారు.
815 జూనియర్‌ అసిస్టెంట్‌ పోస్టులు
ప్రమోషన్లకు అవసరమైన పోస్టుల కోసం 915 మిగులు, ఖాళీ పోస్టులను రేషనలైజ్‌ చేసి 815 జూనియర్‌ అసిస్టెంట్‌ పోస్టులను ప్రభుత్వం మంజూరు చేసింది. వీటి ద్వారా అర్హత ఉన్న వార్డు అడ్మినిస్ట్రేటివ్‌ సెక్రటరీలకు ప్రమోషన్లు కల్పించడంతో పాటు, ఆ తర్వాత ఏర్పడే ఖాళీలను ఇతర కేడర్ల పదోన్నతులకు ఉపయోగించనున్నారు.
3,260 మందికి ప్రయోజనం
ప్రస్తుతానికి నాలుగు కేటగిరీల్లో పదోన్నతుల ద్వారా సుమారు 3,260 మంది ఉద్యోగులకు ప్రయోజనం కలగనుందని మంత్రి పొంగూరు నారాయణ వెల్లడించారు. మరో రెండు కేటగిరీలకు సంబంధించిన ప్రమోషన్లపై అధికారుల కమిటీ నివేదిక వచ్చిన తర్వాత నిర్ణయం తీసుకోనున్నట్లు తెలిపారు.
నోషనల్‌ ఇంక్రిమెంట్లపై నిర్ణయం పెండింగ్‌
ఉద్యోగులు చాలాకాలంగా కోరుతున్న నోషనల్‌ ఇంక్రిమెంట్ల అంశాన్ని ప్రభుత్వం పరిశీలిస్తోంది. దీనిపై ఆర్థిక శాఖ నివేదిక వచ్చిన తర్వాత తదుపరి నిర్ణయం తీసుకోనున్నట్లు మంత్రి తెలిపారు. అర్హత ఉన్న ఉద్యోగులకు ఆటోమేటిక్‌ అడ్వాన్స్‌మెంట్‌ స్కీమ్‌ను అమలు చేస్తున్నట్లు కూడా ప్రభుత్వం వెల్లడించింది.
సెలవుల సమస్యకు పరిష్కారం
ఉద్యోగుల సెలవుల విషయంలోనూ మార్పులు తీసుకొచ్చారు. దరఖాస్తు చేసిన తర్వాత పైఅధికారి నుంచి అనుమతి ఆలస్యమైన సందర్భంలో కూడా నిబంధనల మేరకు రెండు రోజుల క్యాజువల్‌ లీవ్‌ పొందే అవకాశం కల్పించినట్లు మంత్రి తెలిపారు.
అర్హులైన ఉద్యోగులకు కారుణ్య నియామకాలు కూడా కల్పించినట్లు ప్రభుత్వం తెలిపింది. మాతృశాఖల్లో ప్రమోషన్‌ చానళ్ల ఏర్పాటు సహా పలు అంశాలపై చర్యలు కొనసాగుతున్నాయని వెల్లడించింది.
ఉద్యోగుల ఆందోళనల తర్వాత చర్యలు
స్వర్ణ గ్రామ, స్వర్ణ వార్డు ఉద్యోగుల సంఘాలు తమ సమస్యల పరిష్కారం కోరుతూ ఇటీవల ఆందోళనలకు పిలుపునిచ్చాయి. పనిభారం, ప్రమోషన్లు, ఇంక్రిమెంట్లు, సెలవులు తదితర అంశాలపై ఉద్యోగులు అభ్యంతరాలు వ్యక్తం చేశారు. ఈ నేపథ్యంలో ప్రభుత్వం తాజాగా పలు అంశాలపై నిర్ణయాలను ప్రకటించింది.
ప్రమోషన్లకు మార్గం.. సెలవులపై వెసులుబాటు.. ఇంక్రిమెంట్లపై పరిశీలన.. స్వర్ణ గ్రామ, వార్డు ఉద్యోగుల సర్వీస్‌ సమస్యలకు ఒక్కొక్కటిగా పరిష్కారం చూపే దిశగా ప్రభుత్వం చర్యలు చేపడుతోంది.